’پولیس کو غیر ضروری ڈیوٹیوں سے فارغ کرکے انھیں امن و امان کے لیے شہر میں تعینات کیا جائےگا‘
پاکستان کے صوبہ خیبر پختون خوا کے دارالحکومت پشاور میں پے در پے دھماکوں کے بعد صوبائی حکومت نے سریع الحرکت فورس قائم کرنے اور خفیہ اداروں اور قانون نافذ کرنے والے ادراوں کا اجلاس روزانہ کرانے کا فیصلہ کیا ہے۔
اس کے علاوہ صوبائی حکومت دھماکہ خیز مواد سونگھ کر نشاندہی کرنے والے پچاس کتے خرید رہی ہے اور پبلک پولیسنگ کا نظام متعارف کرا رہی ہے۔
وزیر اعلٰی خیبر پختونخوا پرویز خٹک نے سکیورٹی بڑھانے کے لیے ان اقدامات کی منظوری دے دی ہے جبکہ منگل کو اس سلسلے میں سیکریٹریٹ کی سطح پر اور انسپکٹر جنرل پولیس نے پولیس افسران کے ساتھ علیحدہ علیحدہ اجلاس منعقد کیے۔
No comments:
Post a Comment